سپریم کونسل برائے اسلامی امور کے چیئرمین عزت مآب شیخ عبدالرحمن بن محمد بن راشد آل خلیفہ نے آج بروز اتوار مسلم كونسل آف ایلڈرز کے سیکرٹری جنرل جج محمد عبدالسلام سے ملاقات کی۔ اور دونوں فریقین نے سپریم کونسل برائے اسلامی امور اور مسلم كونسل آف ایلڈرز کے درمیان مشترکہ تعاون اور قریبی تعلقات کو بڑھانے کے فریم ورک کے اندر متعدد امور اور منصوبوں پر تبادلہ خیال کیا۔
ملاقات کے دوران، سپریم کونسل برائے اسلامی امور کے صدر نے مسلم كونسل آف ایلڈرز کی جانب سے بحرین فورم براۓ مکالمہ (مشرق و مغرب برائے انسانی بقائے باہمی) کے انعقاد میں اپنی شرکت کے دوران کی گئی شاندار کوششوں کو سراہا جو کہ بحرین کے بادشاہ حمد بن عیسیٰ الخلیفہ کی سرپرستی اور امام الاکبر پروفیسر ڈاکٹر احمد الطیب، شیخ الازہر، چیئرمین مسلم کونسل آف ایلڈرز، اور کیتھولک چرچ کے پوپ پوپ فرانسس کی شرکت سے، گزشتہ نومبر کی 3 اور 4 تاریخ کو بحرین میں منعقد ہوا۔ اور سپریم کونسل براۓ اسلامی امور اور مسلم كونسل آف ایلڈرزکے درمیان مشترکہ مقاصد کی خدمت میں نتیجہ خیز تعاون کے اچھے نتائج کی تعریف بھی کی۔
اپنی طرف سے، مسلم كونسل آف ایلڈرز کے سیکرٹری جنرل نے بحرین کی سپریم کونسل براۓ اسلامی امور اور مسلم كونسل آف ایلڈرز کے درمیان مضبوط تعلقات اور اسٹریٹجک شراکت داری کی اہمیت پر زور دیا۔ جس نے بحرین فورم براۓ مکالمہ کی کامیابی اور امام الطیب، تقدس مآب پوپ فرانسس کے تاریخی دورہ پر بہت موثر کن کردار ادا کیا۔ انہوں نے امام الاکبر پروفیسر ڈاکٹر احمد الطیب، شیخ الازہر، چیئرمین مسلم کونسل آف ایلڈرز کی جانب سے بحرین کی قیادت اور عوام کے لیے تعریف کا اظہار کیا، اور ہر ایک کے لیے نیکی، بلندی اور خوشحالی کی خواہش کا اظہار کیا۔
جج عبدالسلام نے بحرین فورم براۓ مکالمہ کی شاندار کامیابی پر سپریم کونسل برائے اسلامی امور کے صدر عزت مآب شیخ عبدالرحمٰن بن محمد بن راشد آل خلیفہ کی طرف سے کی جانے والی عظیم کوششوں کو سراہتے ہوئے اس عظیم عالمی تقریب کی کامیابی پر مبارکباد پیش کی۔