مسلم کونسل آف ایلڈرز، فضیلت مآب امامِ اکبر پروفیسر ڈاکٹر احمد الطیب، شیخ الازہر الشریف کی سربراہی میں، نیجر کے دارالحکومت نیامی میں دیوری ہمانی ایئرپورٹ کو نشانہ بنانے والے دہشت گرد حملے کی شدید ترین الفاظ میں مذمت کرتی ہے، جس کے نتیجے میں درجنوں افراد جاں بحق اور زخمی ہوئے۔
مسلم کونسل آف ایلڈرز اس قسم کی دہشت گردانہ اور مجرمانہ کارروائیوں کو قطعی طور پر مسترد کرتی ہے، کیونکہ یہ اسلامی تعلیمات، تمام آسمانی ادیان، انسانی اقدار، اور بین الاقوامی معاہدات و اصولوں کے سراسر منافی ہیں۔ کونسل نے زور دیا کہ ایسی پرتشدد اور دہشت گرد گروہوں کے خلاف سخت اقدامات کیے جائیں جو تباہی و بربادی پھیلانے اور امن و استحکام کو نقصان پہنچانے کے درپے ہیں۔ ساتھ ہی نفرت انگیز تقاریر کے خاتمے، انتہاپسندانہ نظریات کے مقابلے، اور مکالمہ، رواداری، بقائے باہمی اور امن کی اقدار کے فروغ کی ضرورت پر بھی زور دیا۔
مزید برآں، مسلم کونسل آف ایلڈرز جمہوریہ نیجر کی حکومت اور عوام، اور شہدا کے اہلِ خانہ سے دلی تعزیت کا اظہار کرتی ہے، اور اللہ تعالیٰ سے دعاگو ہے کہ زخمیوں کو جلد از جلد مکمل صحت عطا فرمائے۔