"اہل قبلہ کی پکار” اور اسلامی اسلامی مکالمے کے فروغ کو مسلم کونسل آف ایلڈرز کی سرگرمیوں میں نمایاں مقام حاصل ہے، جو عراق بین الاقوامی کتاب میلے میں پیش کی جا رہی ہیں۔
مسلم کونسل آف ایلڈرز عراق انٹرنیشنل بک فئیر کے چھٹے ایڈیشن میں ایک خصوصی پویلین کے ساتھ شرکت کر رہی ہے۔ عراق انٹرنیشنل بک فئیر وزیرِ اعظم جمہوریہ عراق، جناب محمد شیاع السودانی کی سرپرستی میں 3 سے 13 دسمبر تک بغداد میں منعقد ہو رہی ہے۔ اور مسلم کونسل آف ایلڈرز کے پویلین میں 250 سے زائد علمی و فکری کتب اور تصنیفات پیش کی جا رہی ہیں، جو اہم فکری و ثقافتی موضوعات پر روشنی ڈالتی ہیں، غلط تصورات کی اصلاح کرتی ہیں، اعتدال پسند فکر کو فروغ دیتی ہیں اور اسلامی مکالمے کو مضبوط بناتی ہیں۔
عراقی عوام کی فضیلت مآب امامِ اکبر پروفیسر ڈاکٹر احمد الطیب، شیخ الازہر چئیرمین مسلم کونسل آف ایلڈرز، سے گہری محبت اور احترام کے پیشِ نظر، پویلین میں ان کی 20 سے زائد تصنیفات پیش کی جا رہی ہیں، جو اسلام کی روادار تعلیمات اور اس کے فکری و فلسفیانہ ورثے کو اجاگر کرتی ہیں۔ ان میں شامل ہیں:
"قول طیب”، "اسلام کے بنیادی اصول”، "مشرق و مغرب کے مکالمے پر ایک رائے”، "ایمان کی طرف واپسی”، "نوجوانوں سے خطاب”، "صوفیانہ کلامی اصطلاحات پر بحث”، "امام اشعری کے فکر پر نظرات”، "میری پرانی ڈائری سے”، "بے شک دین آسان ہے”، "فقہی اجتہاد کی طرف ایک جدید کوشش”، "علل اور مقاصد پر گفتگو”، "اللہ تک پہنچنے کا راستہ”، "امن کی بات”، "تراث اور تجدید: مباحث اور جوابات”، "اہلِ سنت والجماعت”، "آداب اور اقدار” اور دیگر کتب بھی شامل ہیں۔
اس کے علاوہ، پویلین میں اہم کتب بھی پیش کی جا رہی ہیں، جیسے: ‘قرآنِ کریم میں محبت’ از شہزادہ غازی الہاشمی، رکن مسلم کونسل آف ایلڈرز، "امام اور پوپ اور مشکل راستہ: انسانی بھائی چارہ کی دستاویز کی پیدائش پر ایک گواہی” از محمد عبدالسلام، سیکرٹری جنرل مسلم کونسل آف ایلڈرز، "فکر اور زبان سے فہم اور تفاہم کے اصول”، از ڈاکٹر مصطفی بنحمزہ،”قرآنِ کریم کی کہانیوں میں مشابہ نظم پر مطالعات: تقابل اور تجزیہ” از عبدالغنی الراجحی
مزید برآں، 2025 میں "الحکماء پبلشنگ” کے 25 سے زائد نئے عنوانات بھی شامل ہیں، جیسے: "امت کے سنی اور شیعہ میں افتراق کے مسائل: اسباب اور حل” از ڈاکٹر الیاس بَلکا
"مسلمانوں کی دنیا میں تنازعات کا انتظام” از ڈاکٹر ادریس قسیم
"بین الاقوامی امن کی تشکیل: مشترکہ سیاق و سباق سے استفادہ”
"بین الاقوامی امن: مشترکہ اقدار اور ادارہ جاتی تصورات” از مرکز الحکماء برائے امن تحقیق کے محققین
مسلم کونسل آف ایلڈرز اسلامی مکالمے کے فروغ کے لیے مسلسل کوششیں کر رہی ہے۔ اس ضمن میں، بحرین میں فروری میں منعقدہ پہلے اسلامی مکالمہ کانفرنس کے نتائج پر عمل کرتے ہوئے، جس سے "اہل قبلہ کی پکار” کا میثاق جاری ہوا، پویلین پر متعدد علمی و فکری نشستیں منعقد کی جائیں گی۔ ان میں ممتاز علما، مفکرین اور ماہرین شرکت کریں گے، اور موضوعات میں شامل ہوں گے:
اسلامی مکاتبِ فکر کے درمیان مکالمے اور تعاون کے طریقے
میڈیا، خواتین اور نوجوانوں کا کردار
علما کی ذمہ داری
مشترکہ اسلامی ورثہ
"اہل قبلہ کی پکار” بطور اتحادِ امت کی مشترکہ دعوت
پویلین میں کتابوں کی فروخت کے لیے خصوصی علاقہ، بچوں کے لیے تفریحی و تعلیمی سرگرمیوں کا گوشہ بھی شامل ہے۔
مسلم کونسل آف ایلڈرز کی یہ شرکت اس کے اس مشن کا حصہ ہے جو امن کے فروغ، مکالمے اور رواداری کی اقدار کو مضبوط کرنے اور انسانی بقائے باہمی کے لیے پل تعمیر کرنے پر مبنی ہے۔
پویلین بغداد انٹرنیشنل فیئر گراؤنڈ میں، ہال نمبر 16 – H6 میں واقع ہے۔