مسلم کونسل آف ایلڈرز نے ابوظہبی بین الاقوامی کتاب میلہ 2023 میں اپنی مسلسل پانچویں شرکت کا افتتاح کیا، جو 22 سے 28 مئی تک دارالحکومت ابوظہبی کے نمائشی میدان میں منعقد ہوگا۔ جہاں انہوں نے نمائش کے متعدد اہم مہمانوں کا استقبال کیا، جنہیں کونسل کی سرگرمیوں، اہداف، تقریبات اور حالیہ اشاعتوں کے بارے میں بریفنگ دی گئی۔
ہال نمبر 10 میں کونسل کا پویلین اس کی حالیہ اشاعتوں کی ایک بڑی تعداد کو ظاہر کرتا ہے جو اس سال شائع کی گئی ہیں۔ نئے نظر ثانی شدہ ایڈیشن کے علاوہ، یہ متعدد کتابیں اور اشاعتیں بھی پیش کرتا ہے جن کی پچھلی دفعہ کی شرکت کے دوران کتاب میلوں کے زائرین کی طرف سے بہت زیادہ مانگ دیکھی گئی تھی۔
اور ثقافتی اور متعلقہ اداروں کے ساتھ شراکت داری اور تعاون کو فعال کرنے کے معاملے میں ابوظہبی بین الاقوامی کتاب میلے کے پہلے دن مجلس کے پویلین میں متعدد مہمانوں کا استقبال کیا گیا۔ ان زائرین کے برعکس جو دار الحکمہ کی اشاعت کے لیے پیش کردہ سب سے اہم اور تازہ ترین اشاعتیں حاصل کرنا چاہتے ہیں۔ جہاں ابوظہبی سنٹر براے عربی زبان کے سربراہ ڈاکٹر علی بن تمیم نے پویلین کا دورہ کیا اور ابوظہبی کتاب میلے میں کونسل کی مستقل شرکت پر اپنے خیرمقدم کا اظہار کیا۔
اور ابوظہبی میں محمد بن زاید یونیورسٹی برائے انسانی علوم کے چانسلر ڈاکٹر خلیفہ الظاهري نے بھی پویلین کا دورہ کیا، اور دار الحکما پبلشنگ ہاؤس کی طرف سے شائع ہونے والی اشاعتوں کی پیروی کرنے میں اپنی دلچسپی کا اظہار کرتے ہوئے، تازہ ترین اشاعتوں کے بارے میں بتایا گیا۔
بین الاقوامی شراکت داروں میں سے، لندن بین الاقوامی کتاب میلہ کے ڈائریکٹر اینڈی فینٹریس نے پویلین کا دورہ کیا اور لندن کتاب میلہ کی سرگرمیوں میں کونسل کی شرکت کو بڑھانے کے طریقوں پراور دنیا کے سب سے بڑے کتاب میلوں میں سے ایک میں اس شرکت سے حاصل ہونے والے فوائد کے بارے میں تبادلہ خیال کیا۔ ابوظہبی میں فرانسیسی سفارت خانے کی ثقافتی افسر مسز ناتھالی چوپلن نے بھی مسلم کونسل آف ایلڈرزکے پویلین کا دورہ کیا اور انہوں نے مشترکہ تعاون کے طریقوں پر تبادلہ خیال کیا۔
تعلیمی پروگراموں کے لحاظ سے، کونسل کا پویلین نمائش کے دنوں میں متعدد سیمینارز کا انعقاد کرے گا۔
جس میں ڈاکٹر محمد عبداللہ العلی، سي اي أو ٹرینڈز سینٹر فار ریسرچ اینڈ کنسلٹنگ، انسانی بھائی چارہ.. انسانوں کے درمیان مکالمے اور بھائی چارے کا عالمی مطالبہ، کے عنوان سے ایک سمپوزیم پیش کریں گے۔
جو بروز منگل 23 مئی سہ پہر 5:30 بجے شروع ہوگا۔
اگلے دن، محترم ڈاکٹر ذوالکفلی البکری، مسلم کونسل اف ایلڈرز کے رکن اورملائیشیا کے سابق وزیر اوقاف، "مسلم کونسل اف ایلڈرز اور انسانی بقائے باہمی کا فروغ” کے عنوان سے ایک سمپوزیم پیش کریں گے۔ جو بروز بدھ 24 مئی سہ پہر 4:30 بجے شروع ہوگا۔
اس کے بعد امن ساز نوجوان فورم کی جانب سے اسلام بدر اور ڈاکٹر عائشہ خان کی طرف سے پیش کردہ "نوجوانوں کی خواہشات اور قائدین کو بااختیار بنانے…امن ساز بطور ماڈل” کے موضوع پر ایک سمپوزیم منعقد ہوگا۔ جو بروز بدھ 24 مئی شام 6:00 بجےشروع ہوگا۔
حضرت سید علی الامین، مسلم کونسل اف ایلڈرز کے رکن، "شناخت اور شہریت بطور انسانی وژن” کے عنوان سے ایک سمپوزیم پیش کریں گے۔ جو بروزجمعرات 25 مئی سہ پہر 4:30 بجے شروع ہوگا۔
ابوظہبی میں محمد بن زاید یونیورسٹی برائے انسانی علوم کے چانسلر ڈاکٹر خلیفہ الظاهري "رواداری اور بقائے باہمی کے پل بنانے میں تعلیمی اداروں کا کردار” پر ایک سمپوزیم پیش کریں گے۔ جو بروزجمعرات 25 مئی شام 6:00 بجے شروع ہوگا۔
محمد بن زاید یونیورسٹی کے فیکلٹی ممبر عبدالرحیم مندی التمیمی "پرامن بقائے باہمی” کے عنوان سے ایک سمپوزیم پیش کریں گے جو بروز جمعہ 26 مئی سہ پہر 5:30 بجے شروع ہوگا۔
مسلم کونسل آف ایلڈرز کا ثقافتی پروگرام اگلے دن، 27 مئی کو اختتام پذیر ہوگا۔ جہاں شیخ عبدالعزیز النعیمی (الشيخ الأخضر) "”انسان اور ماحول کی خیر خواہی۔” کے عنوان سے ایک سمپوزیم پیش کریں گے۔
مسلم کونسل اف ایلڈرز کے سیکرٹری جنرل، مشیر محمد عبدالسلام نے تصدیق کی کہ ابوظہبی بین الاقوامی کتاب میلہ ایک معروف عالمی ثقافتی اور فکری منزل کی نمائندگی کرتا ہے جو عزت مآب شیخ محمد بن زاید ال نہیان، صدر متحدہ عرب امارات کی سربراہی میں متحدہ عرب امارات کے پیغام اور اس کی دانشمندانہ قیادت کی نقطہ نظر کا اظہار کرتا ہے۔ جو فکر، ادب اور ثقافت کی اس طرح حمایت جو مکالمے، رواداری اور انسانی بقائے باہمی کی اقدار کو بڑھاتا ہے۔
سیکرٹری جنرل نے محکمہ ثقافت و سیاحت اور ابوظہبی مرکز برائے عربی زبان کی س بین الاقوامی فورم کے انعقاد میں کوششوں کی تعریف کی۔ جو 85 سے زائد ممالک کی شرکت اور دنیا کے بیشتر حصوں سے سینئر ادیبوں، مفکرین اور پبلشرز کے ایک گروپ کی موجودگی کے ساتھ منعقد کیا جا رہا ہے، تاکہ ممتاز ادبی اور ثقافتی ورثے کو پیش کیا جا سکے۔ اشاعت کے میدان میں عرب اور بین الاقوامی معاشروں کے درمیان تعلقات کو مزید بڑھایا جا سکے۔
امام اکبرپروفیسر ڈاکٹراحمد الطیب، شیخ الازہر، چیئرمین مسلم کونسل آف ایلڈرز کی ہدایت پرمسلم کونسل آف ایلڈرز ابوظہبی بین الاقوامی کتاب میلہ 2023 میں ایک خصوصی پویلین کے ساتھ شرکت کررہی ہے، جس کا مقصد امن کو فروغ دینا، بات چیت اور رواداری کی اقدار کو مستحکم کرنا اور مختلف نسلوں اور عقائد کے انسانوں کے درمیان تعاون کے روابط قائم کرناہے۔