بروز ہفتہ، قاہرہ بین الاقوامی کتاب میلہ 2023 میں مسلم کونسل اف ایلڈرز کے پویلین نے اپنا چوتھا ثقافتی سیمینار منعقد کیا، جس کا عنوان تھا "انسانی بھائی چارے کو فروغ دینے کی طرف ایک قدم” جس میں پروفیسر ڈاکٹر نہلہ الصعیدی، شیخ الازہر کی مشير برائے بین الاقوامی طلباء اور الازہر میں بین الاقوامی اور غیر ملکی طلباء کی ترقی اور تعلیم کے مرکز کى سربراہ نے شرکت کی اور بقائے باہمی اور انسانی بھائی چارے کو بڑھانے کے طریقوں پر تبادلہ خیال کیا۔
سمپوزیم کے دوران الصعیدی نے کہا کہ انسانی بھائی چارے کے حصول کا مطلب جنگوں، تنازعات اور اختلاف سے پاک معاشروں کے وجود کے لیے کام کرنا ہے، اور پرامن افراد کی موجودگی امن اور یقین کے ساتھ مل جل کر رہنا ہے، انہوں نے اس بات کی طرف اشارہ کرتے ہوئے کہا کہ عالمی امن اور انسانی بھائی چارے کے حصول کا کوئی راستہ نہیں ہے سوائے ان اعلیٰ اصولوں کو حاصل کرنے کے جو اسلام لايا ہے اور آسمانی قوانین جو انسانوں کے درمیان رحمت، یکجہتی، خیر خواہی اور تعاون کا مطالبہ کرتے ہیں اور صفوں کو متحد کرنے پر زور دیتے ہیں۔ ان اصولوں اور اقدار کو فروغ دیں اور ان لوگوں کی مدد کریں جو انسانوں میں ان کو فروغ دینے کے لیے کام کر رہے ہیں۔
شیخ الازہر کی مشیر نے نشاندہی کی کہ انسانی بھائی چارے کی دستاویز جس پر امام الاکبر پروفیسر ڈاکٹر احمد الطیب، شیخ الازہر الشریف، چیئرمین مسلم کونسل اف ایلڈرز، اور کیتھولک چرچ کے پوپ پوپ فرانسس نے 4 فروری 2019 کو متحدہ عرب امارات کی سرزمین پر دستخط کیے تھے۔یہ ان اصولوں کے ساتھ آیا ہے جو انسانیت کو عالمی امن کی طرف لے جاتے ہیں جن کی ہم سب تلاش کرتے ہیں، افراد اور معاشروں کے لیے خوشیوں کے حصول کے لیے، اور تمام انسانوں میں مذہبی احساس کو بیدار کرنے کے لیے۔
الصعیدی نے مزید کہا کہ انسانی برادری کی دستاویز ہمیں متنبہ کرتی ہے کہ ہم جس دنیا میں رہتے ہیں وہ تنازعات، اختلاف اور لڑائی کی جگہ نہیں ہے، بلکہ ایک دوسرے کے ساتھ تعاون اور واقفیت اور رحم، انصاف اور رواداری کی اقدار کو فروغ دینے کی جگہ ہے۔ اور ہماری زندگیوں میں ایک زندہ حقیقت بننے کے لیے انسانی بھائی چارے کی دستاویز کو اپنانے کے لئے سب افراد اور اداروں سے مطالبہ بھی کیا۔
اور شیخ الازہر کی مشیر برائے امور خارجہ نے مذہبی اور ثقافتی اداروں کے کردار کی اہمیت پر زور دیا اور بقائے باہمی کو پھیلانے اور انسانی بھائی چارے کو فروغ دینے کے لیے فکر و ثقافت کے ذمہ دار ہر فرد کو اہمیت دی، تاکہ دنیا بھر میں امن قائم ہو۔ اور الازہر اور مسلم کونسل اف ایلڈرز انسانی بھائی چارے کو زندہ حقیقت بنانے کے لیے اپنی عالمی کوششوں کے لیے کام کر رہی ہیں۔
مسلم كونسل آف ایلڈرز امام الاکبر پروفیسر ڈاکٹراحمد الطیب، شیخ الازہر، چیئرمین مسلم کونسل آف ایلڈرز کی سربراہى میں كونسل کے پیغام كو ليكر قاہرہ بین الاقوامی کتاب میلہ 2023 میں شرکت کر رہی ہے، جس کا مقصد امن کو فروغ دینا، بات چیت اور رواداری کی اقدار کو مستحکم کرنا اور مختلف نسلوں اور عقائد کے انسانوں کے درمیان تعاون کے روابط قائم کرنا ہے۔
مسلم کونسل آف ایلڈرز کا پویلین قاہرہ کے بین الاقوامی کتاب میلے میں، الازہر الشریف کے پویلین کے ساتھ ہیریٹیج ہال نمبر (4) میں، مصر کے بین الاقوامی نمائشوں اور کانفرنسوں کے مرکز تجمع الخامس میں واقع ہے.