عزت مآب شیخ عبدالرحمن بن محمد بن راشد آل خلیفہ، مملکت بحرین میں اسلامی امور کی سپریم کونسل کے چئیرمین نے مسلم کونسل آف ایلڈرز کے سیکرٹری جنرل عزت مآب مشیر محمد عبدالسلام کا اسلامی اسلامی مکالمہ کانفرنس کی حتمی تیاریوں پر تبادلہ خیال کے لئے استقبال کیا جو شاہ بحرین جلالۃ الملک حمد بن عیسیٰ آل خلیفہ کی سرپرستی میں اور مسلم کونسل آف ایلڈرز کے اشتراک سے بحرین کے دارالحکومت منامہ میں 19 سے 20 فروری تک منعقد کی جائے گی۔ اس کانفرنس میں فضیلت مآب امام اکبر پروفیسر ڈاکٹر احمد الطیب شیخ الازہر الشریف، چیئرمین مسلم کونسل آف ایلڈرز کے علاوہ دنیا بھر سے 400 سے زائد علماء، مذہبی رہنما اور حکام، دانشور، مفکرین اور عہدیداران شرکت کریں گے۔
ملاقات کے دوران عزت مآب شیخ عبدالرحمن بن محمد بن راشد آل خلیفہ، مملکت بحرین میں اسلامی امور کی سپریم کونسل کے چئیرمین نے کانفرنس کے مہمانوں کو خوش آمدید کہا جن میں علماء، مفکرین اور دانشور شامل ہیں۔ اور انہوں نے کانفرنس کی کامیابی کے لیے تمام ضروری انتظامات اور تیاریوں کی فراہمی کی طرف اور امّت کی صفوں کو متحد کرنے اور اس کے اتحاد کے لیے سفارشات کا ایک مجموعہ جاری کرنے کا اشارہ کیا، خاص طور پر ان چیلنجوں کے پس منظر میں جن کا آج دنیا کو سامنا ہے۔
مسلم کونسل آف ایلڈرز کے سیکرٹری نے اس بات کی تصدیق کی کہ یہ کانفرنس امت مسلمہ کی تاریخ کے ایک غیر معمولی مرحلے میں منعقد ہو رہی ہے، جس سے مشترکہ کوششوں کو یکجا کرنے، امت کے مختلف اجزاء کے درمیان وسیع اتفاق رائے کو مضبوط کرنے، اور مختلف اسلامی مکاتب فکر کے درمیان مکالمے کے ایک نئے مرحلے کی طرف بڑھنے کی ضرورت ہے۔ جس کا مقصد ایک مشترکہ نقطہ نظر کو تشکیل دینا ہے جو امت کی قیادت کو بحال کرے۔
انہوں نے بھائی چارہ، افہام و تفہیم اور ہم آہنگی کے ماحول میں کانفرنس کے انعقاد کے لیے تمام تیاریوں کے مکمل ہونے کا بھی ذکر کیا،
واضح رہے کہ بحرین کے دارالحکومت منامہ میں 19 اور 20 فروری کو اسلامی مکالمہ کانفرنس کی میزبانی کی جائے گی، جو "ایک امّت، مشترکہ منزل” کے عنوان کے تحت منعقد ہوگی اور اس کا اہتمام مملکت بحرین میں اسلامی امور کی سپریم کونسل نے الازہر الشریف اور مسلم کونسل آف ایلڈرز کے اشتراک سے کیا ہے، جس میں دنیا بھر سے اسلامی اسکالرز، رہنماؤں اور حوالہ جات، دانشوروں اور مفکرین کی 400 سے زائد شخصیات شرکت کریں گی۔ کانفرنس کا مقصد مسلمانوں کے اتحاد کو مضبوط بنانا، مشترکہ مسائل اور چیلنجوں کے بارے میں تفہیم کو بڑھانے کے لئے مفاہمت کے خطاب سے آگے بڑھنا اور اسلامی دنیا کی سطح پر ایک مستقل علمی مکالمے کا نظام قائم کرنا ہے، جس سے امت کو اس کے مختلف اجزاء کے ساتھ متحد کرنے میں مدد ملے گی۔