مسلم کونسل آف ایلڈرز کی جانب سے نائیجیریا کے شمال مشرقی علاقے میں دہشت گردانہ حملے کی شدید مذمت

مسلم کونسل آف ایلڈرز نے ، فضیلت مآب امام اکبر پروفیسر ڈاکٹر احمد الطیب، شیخ الازہر، کی سربراہی میں ، نائجیریا کے شمال مشرقی علاقے میں واقع دار الجمال گاؤں پر ہونے والے دہشت گردانہ حملے کی شدید مذمت کی ہے۔ اس حملے کے نتیجے میں درجنوں بے گناہ افراد ہلاک اور زخمی ہوئے۔
کونسل نے اس طرح کے دہشت گردانہ کارروائیوں کو قطعی طور پر مسترد کیا ہے، جو کہ دین اسلام کی تعلیمات، تمام آسمانی قوانین اور بین الاقوامی معاہدوں اور روایات کے منافی ہیں جو بے گناہ شہریوں پر حملوں کو جرم قرار دیتے ہیں۔ کونسل نے تشدد اور دہشت گردی کی تمام شکلوں کا مقابلہ کرنے اور بقائے باہمی، رواداری اور امن کی اقدار کو فروغ دینے کے لیے بین الاقوامی کوششوں کو مضبوط بنانے کی ضرورت پر زور دیا۔
مسلم کونسل آف ایلڈرز نے جمہوریہ نائجیریا کی حکومت اور عوام اور متاثرین کے اہل خانہ سے دلی تعزیت کا اظہار کیا ہے اور اللہ تعالی سے زخمیوں کی جلد صحت یابی کی دعا کی ہے۔