مسلم کونسل آف ایلڈرز، فضیلت مآب امام اکبر، پروفیسر ڈاکٹر احمد الطیب کی سربراہی میں اسرائیلی قابض فوج کی جانب سے غزہ پر حملے کی شدید مذمت کرتی ہے اور بے گناہ شہریوں کی زندگیوں پر اس خطرناک کشیدگی کے نتائج، اور خطے میں امن اور استحکام کی کوششوں پر اس کے منفی اثرات سے خبردار کرتی ہے۔
مسلم کونسل آف ایلڈرز عالمی برادری سے مطالبہ کرتی ہے کہ وہ اس وحشیانہ جارحیت کو روکنے، بے گناہ شہریوں کی جانوں کی حفاظت کرنے، قتل و غارت گری، فاقہ کشی اور جبری نقل مکانی کا مقابلہ کرنے، اور فوری طور پر انسانی امداد کی فراہمی کی اجازت دینے کے لیے اپنی قانونی، انسانی اور اخلاقی ذمہ داریاں پوری کرے۔
مسلم کونسل آف ایلڈرز فلسطینی کاز اور فلسطینی عوام کے جائز اور ناقابل تنسیخ حقوق کی حمایت میں اپنے مضبوط موقف کی تجدید کرتی ہے جس میں ان کی آزاد ریاست کا قیام جس کا دارالحکومت القدس الشریف ہو، اور فلسطینی عوام کی سات دہائیوں سے جاری مشکلات کا خاتمہ شامل ہے۔