مسلم کونسل آف ایلڈرز مسلسل چوتھی بار استنبول بین الاقوامی عربی کتاب میلے میں شرکت کر رہی ہے، جو کہ 9 سے 17 اگست تک جاری رہے گا، یہ اس کے مکالمے کی ثقافت کو بڑھانے اور دنیا بھر میں بقائے باہمی اور امن کی اقدار کو فروغ دینے کی کوششوں کے تحت ہے.
اس سال، کونسل کا پویلین 250 سے زائد فکری اور ثقافتی اشاعتیں پیش کرے گا، جن میں 2025 کے جدید اشاعتوں کا ایک مجموعہ شامل ہے، جو امن، بقائے باہمی اور شناختوں کی کثرت جیسے مسائل پر توجہ مرکوز کرتی ہیں، جیسے: مذہب اورعظیم ایشیائی قومیں.. چین اور ہندوستان میں مذہبی اور نسلی کثرت کا انتظام، اور افریقہ میں امن.. استحکام اور ترقی کو فروغ دینے کے مطالعے اور نظریات، اور بین الاقوامی امن کی تشکیل.. مشترکہ تناظر سے اسباق، اور بین الاقوامی امن: مشترکہ اقدار اور ادارتی تصورات، اور یہ سب کتابیں الحکما سینٹر براے امن تحقیقات کے ماہر محققین کے ایک ممتاز گروپ کی تحریر کردہ ہیں.
پویلین میں فضیلت مآب امام اکبر پروفیسر ڈاکٹر احمد الطیب، شیخ الازہر کی 30 سے زائد تصانیف بھی شامل ہیں جو اسلام کی روادار تعلیمات اور اس کے فکری و فلسفی ورثے پر روشنی ڈالتی ہیں۔ ان میں سے "قول طیب”، "میری پرانی ڈائیری سے”، "اہل سنت و الجماعت”، "امام اشعری کی فکر پر نظر”، اور "امن کی بات” شامل ہیں۔ اس کے علاوہ الأزہر کے بڑے علماء کی علمی تحریریں بھی موجود ہیں؛ جیسے کہ ڈاکٹر محمد بنعیادی کی "اسلام اور مغرب.. تنازع کی وجوہات کا تجزیہ اور ثقافتی تعامل کے شرائط”، شیخ علی محمد حسن العماری کی "قرآن کرم میں انسان کا ذکر”، ڈاکٹر علی محمد جبر کی "امام الحرمین کا اشعری فکر کی تعمیر پر اثر”، اور شیخ ابو الوفا المراغی کی "خاندان کی تنظیم میں اسلام کے اصول”۔
مسلم کونسل آف ایلڈرزکا پویلین اپنے اراکین اور اہم مفکرین کی اہم مطبوعات بھی پیش کر رہا ہے ۔ ان میں شامل ہیں: "قرآن کریم میں محبت” از قلم شہزادہ غازی بن محمد، اور "امام اور پوپ اور مشکل راستہ: انسانی بھائی چارے کے دستاویز کی پیدائش کی گواہی” مشیر محمد عبد السلام،از قلم مسلم کونسل آف ایلڈرز کے جنرل سیکرٹری، اور "افہام و تفہیم کے اصول فکر اور زبان سے” از قلم ڈاکٹر مصطفی بنحمزہ، اور "مسلمان ایک چوراہے پر” از قلم ڈاکٹر محمود حمدی زقزوق، اور "مغرب اور اندلس میں باہمی میل جول” از قلم ڈاکٹر جعفر بن الحاج السلمی، اور "امت کا سنی اور شیعہ میں تقسیم کے مسائل.. بنیادیں اور حل” از قلم ڈاکٹر الیاس بلكا، اور "قرآن کریم کی کہانیوں میں مشابہ نظامات: تقابل اور تجزیہ” از قلم ڈاکٹر عبدالغنی الراجحی۔
جیسا کہ کونسل کے پویلین میں ثقافتی سرگرمیوں کا ایک مجموعہ منعقد کیا جا رہا ہے، جن میں فکری مطالعے شامل ہیں؛ اس کا مقصد انسانی معاشروں کو درپیش چیلنجز پر بحث کو فروغ دینا اور باہمی احترام اور مشترکہ تفہیم پر مبنی مستقبل کی تعمیر کے طریقے تلاش کرنا ہے، اس کے علاوہ بچوں کے لیے کچھ سرگرمیاں اور پروگرام بھی شامل ہیں۔
مسلم کونسل آف ایلڈرز کی یہ شرکت ثقافتی اور معرفتی بڑی محفلوں میں موجودگی کے عزم کا حصہ ہے، اور اعتدال اور برداشت کا پیغام پھیلانے میں اس کی کوششوں کے تسلسل کی علامت ہے، جو امن کو فروغ دینے اور مکالمہ، برداشت اور انسانی بقائے باہمی کی قدروں کو پھیلانے کے پیغام مبنی ہے، اور زیادہ باخبر اور ہم آہنگ معاشروں کی تعمیر میں علماء اور مفکرین کے کردار کو فعال کرنا شامل ہے۔
مسلم کونسل آف ایلڈرز کا پویلین B9 ہال میں ڈاکٹر معمار قادر طوباش آرٹ اینڈ پرفارمنس سینٹر میں واقع ہے۔