دنیا کے معمر افراد کے ساتھ بدسلوکی پر آگاہی کے عالمی دن کے موقع پر، مسلم کونسل آف ایلدرز، فضیلت مآب امام اکبر پروفیسر ڈاکٹر احمد الطیب شیخ الازہر الشریف، کی سربراہی میں اس بات کی تاکید کرتی ہے کہ معمر افراد کی دیکھ بھال، ان کا احترام، اور ہر قسم کی غفلت، جسمانی، نفسیاتی یا سماجی ظلم سے ان کی حفاظت دین اور انسانیت کے لئے ایک ایسا عہد ہے جس میں کوتاہی نہیں برتی جا سکتی، اس کے علاوہ یہ اسلام کی طرف سے ایک اعلیٰ نیکی کی قدروں میں سے ایک ہے، جس کی وصیت نبی رحمت محمد ﷺ نے بھی کی ہے، آپ ﷺ نے فرمایا: «وہ ہم میں سے نہیں جو ہمارے بزرگوں کی عزت نہ کرے».
مسلم کونسل آف ایلدرز نے بزرگوں کے ساتھ بدسلوکی اور ان کی بے توجہی کے بارے میں آگاہی کے عالمی دن کے موقع پر، جو ہر سال 15 جون کو منایا جاتا ہے ایک بیان میں کہا؛ مہذب معاشروں کی پیمائش اس بات سے کی جاتی ہے کہ وہ اپنے بزرگوں کا کس قدر خیال رکھتے ہیں اور ان کی قربانیوں کی قدردانی کیسے کرتے ہیں۔ یہ بزرگ وہ نسل ہیں جنہوں نے ہمیں حال کا راستہ دکھایا، اور ہم سب کا فرض ہے کہ ان کے لیے ایک معیاری زندگی، صحت مند، سماجی اور نفسیاتی دیکھ بھال فراہم کریں، جو ان کی انسانی اور اخلاقی حیثیت کے مطابق ہو۔ واضح رہے کہ وفا اور نیکی کا فرض عمر کے بڑھنے کے ساتھ ختم نہیں ہوتا، بلکہ یہ مزید مضبوط ہوتا ہے، اور بزرگوں میں انسانیت کی عزت کا تحفظ ایک حقیقی بھائی چارے اور رحمت کی علامات میں سے ہے، جس پر ہمیں کام کرنا چاہیے۔
مسلم کونسل آف ایلدرز بزرگوں کی حمایت اور ان کے تحفظ کی اہمیت کے بارے میں آگاہی پر بہت زیادہ توجہ مرکوز کرتی ہے؛ جس میں مسلم کونسل آف ایلدرز نے ویٹیکن میں پاپل اکیڈمی برائے زندگی اور امریکی ریٹائرمنٹ ایسوسی ایشن (AARP) کے ساتھ مل کر بزرگوں کی حمایت اور ان کی عزت کو برقرار رکھنے کے لئے ایک بین الاقوامی دستاویز جاری کی۔ یہ ویٹیکن کی جانب سے تقدس مآب پوپ لیو چودہویں کے دور میں ہونے والی پہلی سرکاری سرگرمی ہے،اور یہ دستاویز بزرگوں کا خیال رکھنے کے لئے ہے کیونکہ وہ انسانی معاشروں کی یادداشت، ان کی شناخت اور تجربات کی محافظ ہیں، اور حکمت و تجربات کا ایک زندہ ریکارڈ ہیں۔ یہ یقین دلاتی ہے کہ وہ اپنے تجربات کو نئی نسلوں کے ساتھ منتقل کرنے میں شراکت دار ہیں، جو معاشروں کو بحرانوں کا سامنا کرنے میں استقامت فراہم کرتی ہے اور ایک زیادہ متوازن اور مستحکم مستقبل کی بنیاد رکھتی ہے۔
مسلم کونسل آف ایلدرز تمام کمیونیٹیز، افراد، متعلقہ اداروں، اور فعال بین الاقوامی تنظیموں کو دعوت دیتی ہے کہ وہ بزرگوں کے بارے میں اپنی اخلاقی اور انسانی ذمہ داریوں کو سنجیدگی سے لیں، ایسے قوانین بنائیں جو ان کو زیادتی سے تحفظ دیں، ان کے حقوق کی آگاہی، نگہداشت اور حمایت کے پروگرامز کو فعال کریں، اور عمر کی بنیاد پر ہونے والی ہر قسم کی تفریق کا مقابلہ کریں، تاکہ ان کی حیثیت کو بلند کیا جا سکے اور انہیں محفوظ اور باعزت زندگی کی ضمانت دی جا سکے.