مسلم کونسل آف ایلڈرز نے ایک فکری سیمینار کا انعقاد کیا جس کا عنوان تھا”اہل قبلہ کی پکار اور اسلامی-اسلامی مکالمے کے فروغ کی کوششیں” جو کہ اسلامی کتاب میلہ 2025 کے دوران انڈونیشیائی دارالحکومت جکارتہ میں منعقد ہوا، جس میں زائرین کی بڑی تعداد نے شرکت کی اور دلچسپی کا اظہار کیا۔
سیمینار میں پروفیسر ڈاکٹر شفیق مغنی، محمدیہ تنظم کے نائب صدر، اور ڈاکٹر محمد زین المجد، مسلم کونسل آف ایلڈرز کی ایگزیکٹو کمیٹی کے رکن، اور محترمہ الیسا قطر الندى وحید، گوسدوریان نیٹ ورک کی کوارڈینیٹر نے شرکت کی۔
سیمینار کے آغاز میں، ڈاکٹر شفیق مغنی نے اپنی تقریر میں اسلامی-اسلامی مکالمے کی اہمیت پر زور دیا، خاص طور پر ان بڑھتے ہوئے چیلنجز کے تناظر میں جو اسلامی دنیا کے اندرونی اور بیرونی معاملات میں ہیں، یہ بتاتے ہوئے کہ یہ چیلنجز اسلامی امت کے لیے ایک حقیقی امتحان کی حیثیت رکھتے ہیں جسے "بہترین امت جو لوگوں (کی ہدایت) کے لئے ظاہر کی گئی’۔ انہوں نے اس بات کی وضاحت کی کہ اس مقام تک پہنچنے کے لیے علم و دانش کے حصول کے ساتھ ساتھ اخلاقیات اور اقدار کی پابندی بھی ضروری ہے، یہ ظاہر کرتے ہوئے کہ علمی ترقی بغیر اخلاقی نظام کے مکمل نہیں ہو سکتی۔
انہوں نے مزید کہا: "قوم کی ترقی کی کنجیاں جدید علوم اور اعلیٰ اخلاق کے انضمام میں ہیں؛ کیونکہ اخلاق قوم کی بنیاد ہیں، اور اگر اخلاق گر جائیں تو قوم بھی ٹوٹ جائے گی۔” انہو نے اختلاف کے ساتھ معاملات میں اعتدال اور وسطیت کو فروغ دینے کی ضرورت پر زور دیا، اور اشارہ کیا کہ علم اور اخلاق دونوں کی ترقی ہی قوم کو غلو اور تکفیر کی طرف جانے سے بچاتی ہے۔
ڈاکٹر محمد زین المجد نے اسلامی-اسلامی مکالمے کی کانفرنس کی اہمیت پر زور دیا، جس کا انعقاد مسلم کونسل اف ایلڈرز اور الأزہر الشریف اور بحرین کی اعلیٰ اسلامی امور کی مجلس نے مملکت بحرین کی میزبانی میں فروری 2025 میں کیا، جس میں "اہل قبلہ کی پکار” کا اجرا ہوا، جو ایک مخلصانہ دعوت کی نمائندگی کرتا ہے تاکہ اتحاد کی روح کو دوبارہ حاصل کیا جا سکے، یہ واضح کرتے ہوئے کہ یہ دعوت قرآنی آیات کی اہمیت کی بنیاد پر ایک شرعی ضرورت سے پیدا ہوئی ہے۔ اور ایک ثقافتی ضرورت ہے جو قوم کے مستقبل کی تعمیر کے ساتھ جڑی ہوئی ہے جو مکالمے کی ثقافت اور اختلاف کی بجائے ملاقات کے نکات کی تلاش پر زور دیتی ہے۔
محترمہ الیسا وحید نے یہ بات کہی کہ انڈونیشیا میں ثقافتی اور مذہبی تنوع نے اسلام کو رحمت اور کھلے پن کی مثال بنایا ہے، انہوں نے اشارہ کیا کہ انڈونیشی معاشرہ فطری طور پر متعدد نسلوں پر مشتمل ہے، اور اور نفرت اور انکار کی تقاریر کا مقابلہ کرنے کے لیے بھائی چارے کی قدروں کو مستحکم کرنے کی ضرورت پر زور دیا۔