کراچی عالمی کتب میلہ 2025 کے ثقافتی اور فکری پروگرام کے تحت، مسلم کونسل آف ایلڈرز کے پویلین نے اپنے پہلے سیمینار کا انعقاد کیا جس کا عنوان تھا: «دنیا بھر میں بقائے باہمی کے فروغ کے لیے مسلم کونسل آف ایلڈرز کی کوششیں»، جس میں ممتاز ماہرینِ تعلیم، مذہبی و فکری رہنما اور نمائش کے زائرین نے بھرپور شرکت کی۔ شرکاء: ڈاکٹر عزیر محمود ازہری: رکن اسلامی نظریاتی کونسل پاکستان اور صدر عالمی تنظیم برائے فارغینِ ازہر (پاکستان) اور فادر نوربرٹ پول: معاون پادری، سینٹ مائیکل کیتھولک چرچ کے شرکت کی اور نظامت: ڈاکٹر محمد ارشد ازہری: ڈائریکٹر، مسلم کونسل آف ایلڈرز پاکستان نے کی۔
ڈاکٹر محمد ارشد ازہری نے سیمینار کا آغاز مسلم کونسل آف ایلڈرز کے تعارف سے کیا اور وضاحت کی کہ کونسل امن کے فروغ، مکالمے، رواداری، بقائے باہمی اور نفرت، انتہا پسندی اور تعصب کے خلاف عالمی سطح پر کس طرح عملی اقدامات اور مکالماتی پلیٹ فارمز فراہم کر رہی ہے۔
فادر نوربرٹ پول نے اس موقع پر زور دیا کہ انسانی اخوت کا دستاویز، جو ابوظہبی میں fzelt مآب امامِ اکبر پروفیسر ڈاکٹر احمد الطیب اور سابق پوپ فرانسس کے درمیان دستخط ہوئی، دنیا بھر میں بقائے باہمی کے لیے ایک بنیادی حوالہ بن چکی ہے، جو احترامِ باہمی اور نفرت کے خاتمے پر مبنی انسانی پیغام کو فروغ دیتی ہے۔
ڈاکٹر عزیر محمود ازہری نے کونسل کے مختلف عملی اقدامات پر روشنی ڈالی، جن میں غلط تصورات کی اصلاح، نوجوانوں میں مکالمے کی ثقافت کو فروغ دینا، مشرق و مغرب کے درمیان فکری و مذہبی ملاقاتیں، اور مختلف تہذیبوں کے درمیان رابطے کے پل قائم کرنا شامل ہیں۔ انہوں نے واضح کیا کہ بین المذاہب اور بین الاسلامی مکالمے میں کونسل کی کوششیں اسلام کو امن اور بقائے باہمی کا دین ثابت کرنے میں مددگار ہیں اور انسانی اخوت کے اصولوں کو تقویت دیتی ہیں۔
یہ سیمینار مسلم کونسل آف ایلڈرز کے پویلین کی سرگرمیوں کا حصہ ہے، جو کراچی عالمی کتب میلہ میں امن، مکالمے، رواداری اور انسانی بقائے باہمی کے فروغ کے پیغام کو اجاگر کرتی ہے، اور فکری و علمی کردار کو عصری چیلنجز کے مقابلے میں نمایاں کرتی ہے۔
مسلم کونسل آف ایلڈرزکراچی عالمی کتب میلہ 2025 میں 18 تا 22 دسمبر 2025 پویلین: نمبر 45 -51 ہال نمبر 1
میں شریک ہے۔