مسلم کونسل آف ایلڈرز فضیلت امام اکبر پروفیسر ڈاکٹر احمد الطیب شیخ الازہر الشریف کی سربراہی میں، اسرائیلی قابض افواج کی جانب سے نماز فجر کے دوران غزہ شہر کے مشرق میں واقع الدراج محلے میں بے گھر افراد کو پناہ دینے والے "التابعین” اسکول پر گولہ باری کی شدید مذمت کرتی ہے۔ اس حملے کے نتیجے میں 100 سے زائد فلسطینی شہید اور درجنوں شدید زخمی ہوئے۔
مسلم کونسل آف ایلڈرز غزہ کی پٹی میں معصوم شہریوں کو نشانہ بنانے کو سختی سے مسترد کرتی ہے اور عالمی برادری سے مطالبہ کرتی ہے کہ وہ اس انسانی تباہی کے خاتمے کے لیے فوری اقدام کرے۔ کونسل غزہ میں تشدد کو روکنے، انسانی امداد اور ریلیف کی فراہمی، فلسطینی شہریوں کو تحفظ فراہم کرنے، اس ہولناک قتل عام کی بین الاقوامی تحقیقات شروع کرنے، مجرموں کو بین الاقوامی قانون کے تحت جوابدہ ٹھہرانے، اور فلسطینی عوام کی اپنی آزاد ریاست قائم کرنے کے حق جس کا دارالحکومت القدس الشریف ہو کی حمایت کے لیے تمام ضروری اقدامات اٹھانے پر زور دیتی ہے۔