بک فیئر میں کونسل کا پویلین متعدد زبانوں میں 220 سے زیادہ متنوع اشاعتیں پیش کررہا ہے، جو اہم ترین فکری اور ثقافتی شعبوں سے متعلق ہیں، جو غلط فہمیوں کو دور کرنے کے لیے کام کرتے ہیں اور روشن خیال اعتدال پسند فکر کو فروغ دیتے ہیں، کونسل اس کے علاوہ ایک ممتاز ثقافتی پروگرام کا اہتمام کررہی ہے جس میں متعدد سرگرمیاں اور مختلف تقریبات شامل ہوتی ہیں۔
ان اشاعتوں میں سب سے نمایاں فضیلت مآب امام اکبر پروفیسر ڈاکٹر احمد الطیب، شیخ الازہر الشریف اور مسلم کونسل آف ایلڈرز کے چیئرمین کی 20 سے زائد کتابیں ہیں، جو اسلام کی رواداری اور اس کے فکری اور فلسفیانہ ورثےکو اجاگر کرتی ہیں۔ جن میں "اچھی بات”، "اسلام کے عناصر” اور "مشرق اور مغرب کے درمیان مکالمے پر رائے،” "ایمان کی طرف واپسی،” "نوجوانوں سے خطاب” شامل ہیں۔ صوفی اصطلاحات، اور "وراثت اور تجدید” کے علاوہ سال 2024 کے لیے کونسل کی متعدد حالیہ اشاعتیں، بشمول "تشدد اور امن کی طرف ایک مربوط تفہیم” "مغرب اور اسلام کی دوبارہ دریافت” -تیجانی بو العولی کی تصنیف، اور "امن کا خیال یورپی نشاۃ ثانیہ کا آغاز” از ڈاکٹر بن ناصر البعزاتی، اور "مراکش اور اندلس میں شناسائی کی حدود،” ڈاکٹر جعفر ابن الحاج السلمی کی تصنیف اور دیگر کتب شامل ہیں۔
اس سال کے استنبول عرب کتاب میلے میں مسلم کونسل آف ایلڈرز کے پویلین میں اہم اشاعتوں کا ایک مجموعہ بھی شامل ہے۔ جس میں : مسلم کونسل آف ایلڈرز کے رکن شہزادہ غازی الہاشمی کی کتاب”قرآن پاک میں محبت” اور مسلم کونسل آف ایلڈرز کے سیکرٹری جنرل جج محمد عبدالسلام کی کتاب ” امام، پوپ، اور مشکل راستہ… انسانی بھائی چارے کی دستاویز کی پیدائش پر گواہی”، اور مسلم کونسل آف ایلڈرز کے رکن مصطفٰی بن حمزہ کی کتاب "فکر اور زبان سے تفہیم کے اصول” ، اور عبدالغنی الراجی کی تحریر کردہ کتاب "قصص القرآن میں ملتے جلتے نظم کا مطالعہ: موازنہ اور تجزیہ” شامل ہیں۔
مسلم کونسل آف ایلڈرز ترجمے کی اہمیت پر یقین رکھتی ہے اور یہ کہ یہ تہذیبوں کے درمیان ایک پُل ہے کونسل نے امن کو فروغ دینے والی کتابوں کے تراجم میں اپنی کوششیں جاری رکھیں اور بہت سی کتابوں کا ترجمہ کیا جن میں سے: جیکب نیوسنر اور بروس شیلٹن کی تصنیف "دنیا کے مذاہب میں مذہبی رواداری”، متعدد محققین کی لکھی ہوئی کتاب "یورپ میں اسلامو فوبیا کا مقابلہ”، ریاستہائے متحدہ میں ڈیلاویئر یونیورسٹی کے پروفیسر مقتدر خان کی کتاب "اسلام اور گڈ گورننس”۔ ، اور آرون ٹائلر کی کتاب "اسلام، مغرب، اور رواداری: بقائے باہمی کا احساس” سب سے نمایاں ہیں۔
کونسل کے اپنے قیام کی دسویں سالگرہ کے موقع پر، استنبول انٹرنیشنل عرب بک فیئر 2024 میں اس کا پویلین بہت سے پروگراموں، تقریبات اور فکری اور ثقافتی سرگرمیوں کا اہتمام کر رہا ہے جو اس کے زائرین کی امیدوں اور ضروریات کو پورا کرتے ہیں۔ جن میں کتابوں کی فروخت کے لیے ایک خاص جگہ، اور بچوں کے لیے ایک خاص گوشہ، جس میں بہت سے تفریحی اور تعلیمی پروگرام پیش کرتا ہے شامل ہیں۔
واضح رہے کہ استنبول عرب کتاب میلہ سب سے بڑا بین الاقوامی غیر منافع بخش عرب کتاب میلہ ہے جو عرب ممالک سے باہر منعقد ہوتا ہے جس کا مقصد ترکی میں عربی زبان کو زندہ کرنا اور عربوں اور ترکوں کے درمیان تعلقات کو مضبوط کرنا ہے۔ یہ نمائش ترکی کی سرزمین میں مقیم عرب کمیونٹی کو اپنی طرف متوجہ کرتی ہے، اس سال عربی زبان اور اس کے علوم میں دلچسپی رکھنے والے 330 سے زیادہ اشاعتی ادارے اس میں حصہ لے رہے ہیں، جو دنیا کے 30 ممالک کی نمائندگی کرتے ہیں۔ اور 150,000 سے زیادہ عنوانات پیش کر رہے ہیں۔ مسلم کونسل آف ایلڈرز کا پویلین ہال نمبر 9، پویلین نمبر B42 استنبول نمائشی مرکز میں واقع ہے۔