مسلم کونسل آف ایلڈرز کے سیکرٹری جنرل: "ضمیر کی پکار: ابوظہبی کا مشترکہ موسمیاتی بیان” عالمی ماحولیاتی کارروائی کی حمایت کے لیے مذہبی رہنماؤں کے عزم اور اسرار کی تصدیق کرتی ہے۔
مسلم کونسل آف ایلڈرز کے سیکرٹری جنرل: مذہبی رہنما انسانیت کی آواز ہیں جو ماحولیاتی تبدیلیوں سے نمٹنے کے لیے عالمی رہنماؤں اور فیصلہ سازوں کی کوششوں کی حمایت کرتے ہیں۔
عیسائی رہنماؤں کی کانفرنس کے صدر: COP28 میں بین المذاہب پویلین ایک تاریخی اقدام ہے جسے فریقین کی آئندہ کانفرنسوں کے ورک سسٹم میں شامل کیا جانا چاہیے۔
مسلم کونسل آف ایلڈرز کے سیکرٹری جنرل مشیر محمد عبدالسلام نے تصدیق کی کہ COP28 میں بین المذاہب پویلین، جو فریقین کی کانفرنسوں کی تاریخ میں پہلی بار منعقد کیا گیا ہے، یہ علم اور مذہب کے درمیان رابطے کے لیے ایک متاثر کن پلیٹ فارم اور پل کی مانند ہے۔ یہ دنیا کو یہ پیغام دیتا ہے کہ ماحول کو محفوظ رکھنے اور موجودہ اور آنے والی نسلوں کے لیے ایک بہتر اور پائیدار مستقبل کی تعمیر کے لیے ہر کوئی ذمہ دار ہے۔
سیکرٹری جنرل: نے "ہماری مشترکہ دنیا کے لیے افہام و تفہیم میں اضافہ” کے عنوان سے ایک مکالمے کے سیشن کے دوران جو COP28 میں بین المذاہب پویلین کے پانچویں دن کی سرگرمیوں کے دوران منعقد ہوا، انہوں نے کہا کہ علم اور مذہب کے درمیان کوئی لاتعلقی نہیں ہے، جیسا کہ دنیا، موجودہ وقت میں بھی تمام شعبوں میں مسلم علماء کے ورثے سے مستفید ہوتے ہیں، اس بات کی طرف اشارہ کرتے ہوئے کہ آب و ہوا کے بحران سے نمٹنے میں مذہب کا اہم اور بڑا کردار ہے، اور انسان زمین پرخلیفہ بنایا گیا ہے۔ اسے علم اور تحقیق سونپا گیا ہے: اس لیے اس ماحول کو محفوظ رکھنے کی ذمہ داری اس پر عائد ہوتی ہے جو اس کی زندگی اور طرز عمل میں ایک فطری فرض ہے۔
مشیر عبدالسلام نے وضاحت کی کہ "ضمیر کی پکار: ابوظہبی کا مشترکہ موسمیاتی بیان” جس پر امام اکبر پروفیسر ڈاکٹر احمد الطیب، شیخ الازہر، چئیرمین مسلم کونسل اف ایلڈرز اور تقدس مآب پوپ فرانسس نے اور دنیا بھر کے مذاہب کے ٢٨ رہنماؤں دستخط کئے ہیں یہ عالمی ماحولیاتی کارروائی کی حمایت کے لیے مذہبی رہنماؤں کے عزم اور اسرار کی تصدیق کرتا ہے۔ اس بات کی نشاندہی کرتے ہوئے کہ ضمیر کی پکار کا خیال مذہبی رہنماؤں کے انسانیت کی آواز ہونے پر مبنی ہے جو ماحولیاتی تبدیلیوں کے اثرات کا مقابلہ کرتے ہوئے عالمی رہنماؤں اور فیصلہ سازوں کی کوششوں کی حمایت کرتا ہے۔
کرسچن لیڈرز کانفرنس کے صدر پادری جانی مور نے کہا، COP28 میں بین المذاہب پویلین ایک تاریخی اقدام ہے، جسے فریقین کی آئندہ کانفرنسوں کے ورک سسٹم میں شامل کرنے کو یقینی بنایا جانا چاہیے۔ کیونکہ یہ مختلف مذاہب کے لوگوں کو ماحولیاتی تبدیلی کے اثرات سے نمٹنے کے طریقوں پر تبادلہ خیال کرنے کے لیے اکٹھا کرتا ہے، انہوں نے مذہبی رہنماؤں پر زور دیا کہ وہ موسمیاتی تبدیلی اور ماحولیاتی تحفظ سے متعلق مسائل کے بارے میں خود کو آگاہ کریں تاکہ وہ اپنی مختلف کمیونٹیز میں آگاہی اور علم پھیلا سکیں، اور کرہ ارض کو موسمیاتی خطرات سے بچائیں جو اسے خطرے میں ڈال رہے ہیں۔
مسلم کونسل اف ایلڈرز 1 سے 12 دسمبر تک ایکسپو سٹی دبئی میں COP28 پریزیڈنسی، متحدہ عرب امارات میں رواداری اور بقائے باہمی کی وزارت اور اقوام متحدہ کے ماحولیات پروگرام کے اشتراک سے COP28 میں بین المذاہب پویلین کا اہتمام کر رہی ہے۔
کوپ 28 میں بین المذاہب پویلین 9 مذاہب کے نمائندوں کو اکٹھا کررہا ہے، جو دنیا بھر سے 300 سے زیادہ مقررین کی موجودگی میں تقریباً 70 ڈائیلاگ سیشنز میں شریک ہو رہے ہیں جس کا مقصد آب و ہوا کے منفی اثرات کا مقابلہ کرنے کے لیے ایک مشترکہ وژن کی تشکیل اور مذہبی رہنماؤں، سائنس دانوں، ماحولیاتی ماہرین، نوجوانوں، خواتین اور مقامی لوگوں کے نمائندوں کے درمیان ایک متحد موقف حاصل کرنا ہے۔