مسلم کونسل اف ایلڈرز لبنان میں جنگ بندی کے معاہدے کا خیرمقدم کرتی ہے اور اس امید کا اظہار کرتی ہے کہ یہ صورت حال کو پرسکون کرنے اور خطے میں امن کے قیام میں کردار ادا کرے گا۔

فضیلت مآب امام اکبر پروفیسر ڈاکٹر احمد الطیب، شیخ الازہر الشریف، کی سربراہی مسلم کونسل اف ایلڈرز نے لبنان میں جنگ بندی کے معاہدے سے اتفاق کرتے ہوئے خطے میں سلامتی اور استحکام کے حصول کے لیے تمام علاقائی اور بین الاقوامی کوششوں کی حمایت پر زور دیا۔

مسلم کونسل اف ایلڈرز نے ایک بیان میں کہا کہ وہ اس امید کا اظہار کرتی ہے کہ یہ معاہدہ لبنان کے لیے پائیدار استحکام کے حصول کا آغاز ہوگا جو اس کی سرزمین کی خودمختاری اور سالمیت کو محفوظ رکھتا ہے اور اس کے استحکام اور سلامتی کو بڑھاتا ہے۔ اورغزہ کی پٹی میں فوری اور مستقل جنگ بندی کے معاہدے تک پہنچنے کے لیے تمام فعال فریقین ایک جیسی پوزیشن اختیار کریں اور فلسطینی عوام کے لیے فوری امداد اور انسانی امداد کی فراہمی کو یقینی بنائیں جو مشکل انسانی حالات میں زندگی گزار رہے ہیں۔

مسلم کونسل اف ایلڈرز نے عالمی برادری سے اپنی ذمہ داریوں کو سنبھالنے اور مسئلہ فلسطین کا منصفانہ اور جامع حل تلاش کرنے کے لیے کام کرنے کے لیے اپنے مطالبے کی تجدید کی، فلسطینی عوام کے 70 سال سے زائد عرصے سے جاری مصائب کے خاتمہ کے لئے،اور فلسطینی عوام کی آزاد ریاست کے قیام جس کا دارالحکومت القدس الشریف ہو کے اس جائز حق کی توثیق کرتی ہے۔