مسلم کونسل آف ایلڈرز اور ویٹیکن کے بین المذاہب مکالمے کے شعبہ کے درمیان مکالمے کے لیے مشترکہ کمیٹی:
مذاہب کے پیروکاروں کے درمیان افہام و تفہیم کو فروغ دینے والے مشترکہ اقدامات شروع کرنے کی کوششوں کو مربوط کرنے کی ضرورت ہے۔
مسلم کونسل آف ایلڈرز اور ویٹیکن کے بین المذاہب مکالمے کے شعبہ کے درمیان مکالمے کے لیے مشترکہ کمیٹی:
انسانی بھائی چارے کی ابوظہبی دستاویز مذاہب کے پیروکاروں کے درمیان مکالمے کے اقدامات کا ایک بنیادی ستون ہے۔
مسلم کونسل آف ایلڈرز اور ویٹیکن کے بین المذاہب مکالمے کے شعبہ کے درمیان مکالمے کے لیے مشترکہ کمیٹی: نے مذاہب کے پیروکاروں کے درمیان مکالمے کی کوششوں، کمیٹی کے پہلے اجلاس کی میزبانی اور اس کے نتائج کی حمایت کے لیے بحرین کے بادشاہ حمد بن عیسیٰ ال خلیفہ کا شکریہ ادا کیا۔
مسلم کونسل آف ایلڈرز اور ویٹیکن کے بین المذاہب مکالمے کے شعبہ کے درمیان مکالمے کے لیے مشترکہ کمیٹی: موسمیاتی تبدیلی کے منفی اثرات کا سامنا کرنے میں مذاہب کے پیروکاروں کے درمیان مکالمے کے کردار کی تصدیق کرتی ہے اور COP 28 کے انعقاد میں متحدہ عرب امارات کی کوششوں کی حمایت کرتی ہے۔
مسلم کونسل آف ایلڈرز اور ویٹیکن کے بین المذاہب مکالمے کے شعبہ کے درمیان مکالمے کے لیے مشترکہ کمیٹی کا پہلا اجلاس مملکت بحرین میں منعقد ہوا۔ جس میں موجودہ عالمی چیلنجوں کا سامنا کرنے اور اسلامی عیسائی مکالمے اور تعاون کو فروغ دینے میں مذہبی رہنماؤں کے کردار کی بنیاد پر مشترکہ کوششوں کو مربوط کرنے کے طریقوں پر تبادلہ خیال کیا گیا۔
کمیٹی نے اس بات کی تصدیق کی کہ ابوظہبی میں افتتاح کیا گیا ابراہیمی خاندان کا گھر ایک مہذب نمونہ ہے اور ہر مذہب کی خصوصیت کو برقرار رکھتا ہے اور تمام لوگوں کے درمیان انسانی واقفیت اور احترام کا مطالبہ کرتا ہے۔
اس بات کی تصدیق کرتے ہوئے کہ انسانی بھائی چارے کی دستاویز میں جو کچھ بیان کیا گیا ہے، یہ اس کے عملی اطلاق کی نمائندگی کرتا ہے، جس پر امام اکبر پروفیسر ڈاکٹر احمد الطیب، شیخ الازہر الشریف، چئیرمین مسلم کونسل اف ایلڈرز،اور پوپ فرانسس، ویٹیکن کے پوپ نے متحدہ عرب امارات کے صدر عزت مآب شیخ محمد بن زاید ال نہیان کی فراخدلانہ سرپرستی میں 2019 میں ابوظہبی میں دستخط کیے تھے جو مذاہب کے ماننے والوں اور پرامن بقائے باہمی اور انسانی بھائی چارے کے درمیان مکالمے کے بنیادی ستون کی نمائندگی کرتی ہے۔
اجلاس کی جانب سے جاری کردہ بیان میں شہریت کے تصور کو بڑھانے اور اقلیت اور اکثریت کی اصطلاحات کے استعمال کو ترک کرنے کے لیے مشترکہ اقدام کی اہمیت کو واضح کیا گیا۔ اور "آزادی اور شہریت: تنوع اور انضمام” کانفرنس کے ذریعہ جاری کردہ شہریت کے بارے میں الازہر اعلامیہ کی دفعات کی تعریف کی جو الازہر الشریف اور میں مسلم کونسل اف ایلڈرز کے درمیان عرب جمہوریہ مصر میں منعقد ہوئی تھی، اس کے ساتھ ساتھ انسانی بھائی چارے پر ابوظہبی دستاویز، اور پرامن بقائے باہمی کے بارے میں مملکت بحرین کے اعلامیہ کی بھی تعریف کی۔
بیان میں ماحولیاتی تبدیلی کے منفی اثرات اور اس سے انسانیت کے حال اور مستقبل کو لاحق خطرات کا مقابلہ کرنے کے لیے مذہبی رہنماؤں کی کوششوں کی اہمیت پر بھی زور دیا گیا ہے۔ اور مذاہب اور ثقافتوں کے درمیان مکالمہ COP 28 کے دوران ماحولیاتی تبدیلی کے رجحان کا مقابلہ کرنے میں مذہبی حکام اور اداروں کی شمولیت کو بڑھانے میں جو کردار ادا کر سکتا ہے۔ انہوں نے اس کے انعقاد میں اقوام متحدہ اور متحدہ عرب امارات کی کوششوں کی حمایت کا اظہار کیا تاکہ موجودہ اور مستقبل میں انسانیت اور اس کے تحفظ کو خطرے میں ڈالنے والے منفی موسمی اثرات سے نمٹنے کے لیے موثر حل تلاش کیا جا سکے۔
بیان میں آئندہ مرحلے کے لیے ایک منصوبہ کی تیاری پر کام کا مطالبہ کیا گیا، جس میں بہت سے ایسے اقدامات شروع کرنے کا مطالبہ کیا گیا ہے جو عام طور پر مذاہب کے پیروکاروں کے درمیان مکالمے کو فروغ دیں، اور خاص طور پر عیسائیوں اور مسلمانوں کے درمیان مکالمے کو فروغ دیں۔ بشمول، مثال کے طور پر، دونوں فریقوں کے درمیان بات چیت کے اقدامات کا آغازکیا جائے۔
ویٹیکن کے بین المذاہب مکالمے کے شعبہ اور مسلم کونسل اف ایلڈرز کے درمیان مکالمے کی مشترکہ کمیٹی نے کمیٹی کے پہلے اجلاس کی میزبانی کرنے اور اس کے نتائج کی حمایت کرنے کے لیے بحرین کے بادشاہ حمد بن عیسیٰ ال خلیفہ، ولی عہد اور وزیر اعظم شہزادہ سلمان بن حمد ال خلیفہ کا شکریہ ادا کیا جو راوبط کو مضبوط بنانے اور باہمی احترام اور برادرانہ زندگی کی اقدار کو فروغ دینے میں معاون ہے، انہوں نے مملکت بحرین کی مذاہب اور فرقوں کے درمیان نتیجہ خیز مکالمے اور بقائے باہمی کو فروغ دینے کی کوششوں کی بھی تعریف کی۔
اس اجلاس میں ویٹیکن کے بین المذاہب مکالمے کے شعبہ کے سربراہ کارڈینل میگوئل اینجل آیوسو نے شرکت کی ، اور مشیر محمد عبدالسلام، مسلم کونسل آف ایلڈرز کے سیکرٹری جنرل،اور پروفیسر ڈاکٹر عباس شومان، الازہر الشریف کے سابق نائب، اور محترم جناب علی الامین، مسلم کونسل آف ایلڈرز رکن، محترم جناب پروفیسر ڈاکٹر سینیٹر ذوالکفلی محمد البکری، مسلم کونسل آف ایلڈرز کے رکن، ملائیشیا سینیٹ کے رکن، اور ملائیشیا کے سابق وزیر اسلامی امور، اور محترم ڈاکٹر عبدالرحمن ضرار الشاعر، مملکت بحرین میں اسلامی امور کی سپریم کونسل کے رکن، عزت مآب شیخ عبدالرحمن بن محمد ال خلیفہ، مملکت بحرین کی اسلامی امور کی سپریم کونسل کے صدر اور مسلم کونسل آف ایلڈرز کے رکن کی نمائندگی کرتے ہوئے، اور ڈاکٹر محمد السماک، سیکرٹری جنرل، نیشنل کرسچن-مسلم کمیٹی برائے مکالمہ لبنان، اورمونسگنر خالد آکاشے، ویٹیکن کی ڈیکاسٹری برائے بین المذاہب مکالمے کے سیکرٹری اور مونسگنر الڈو بیرارڈی، شمالی عرب کے اپاسٹولک ویکر، اور بشپ الڈو بیرارڈی، شمالی عرب کے اپوسٹولک ویکر۔
یہ بات قابل ذکر ہے کہ بین المذاہب مکالمے کے شعبہ اور مسلم کونسل آف ایلڈرز کے درمیان مکالمے کی یہ مشترکہ کمیٹی، مسلم کونسل آف ایلڈرز (جس کا ہیڈ آفس ابوظہبی میں ہے) اور ویٹیکن میں بین المذاہب مکالمے کے محکمے کے درمیان دستخط شدہ مفاہمت کی یادداشت کے مطابق قائم کی گئی تھی۔