مسلم کونسل آف ایلڈرز کے سیکرٹری جنرل: ابوظہبی بین الاقوامی کتاب میلہ فکری اور ثقافتی رابطے کو فروغ دینے کے لئے ایک عالمی دانشورانہ پلیٹ فارم کی نمائندگی کرتا ہے۔
پہلی بار.. "دانشوروں کا پوڈ کاسٹ” ابوظہبی بین الاقوامی کتاب میلے میں فکر، ادب، ثقافت اور مذہبی رہنماؤں کی میزبانی کر رہا ہے۔
مسلم کونسل آف ایلڈرز ابوظہبی بین الاقوامی کتاب میلے 2025 کے 34 ویں ایڈیشن میں شرکت کر رہی ہے ، جو 26 اپریل سے 5 مئی تک منعقد ہوگا، جس کا مقصد امن کو فروغ دینا، مکالمے اور رواداری کی اقدار کو مضبوط کرنا اور تعاون و انسانی بقائے باہمی کے لیے پل تعمیر کرنا ہے۔
مسلم کونسل آف ایلڈرز کے سیکرٹری جنرل، عزت مآب مشیر محمد عبدالسلام نے کہا کہ ابوظہبی کتاب میلہ ثقافت اور تہذیب کے رشتوں کو فروغ دینے کے لیے ایک نمایاں علمی پلیٹ فارم کی نمائندگی کرتا ہے؛ جہاں یہ 34 ویں ایڈیشن میں اپنی حیثیت کو ایک عالمی ثقافتی اور علمی فورم کے طور پر مستحکم کرتا ہے جو نمایاں مقامی، عرب اور بین الاقوامی مصنفین اور اشاعتی اداروں کو مدعو کرتا ہے، اور تخلیق کاروں، دانشوروں اور مفکرین کو ثقافتی، فکری اور تہذیبی روابط کو بڑھانے کا موقع فراہم کرتا ہے۔ انہوں نے اشارہ کیا کہ اس سال ابوظہبی کتاب میلہ میں مسلم کونسل آف ایلڈرز کی شرکت کئی اہم فکری اور ثقافتی مسائل پر توجہ مرکوز کرتی ہے، جو "الحکماء پبلشنگ” کی طرف سے فراہم کردہ 250 سے زائد مختلف نشریات کے ذریعے ہے، اس کے علاوہ کئی سیمینارز اور علمی اور ثقافتی تقریبات ہیں جن میں اس سال پہلی بار "دانشوروں کا پوڈکاسٹ” شامل ہے، جس میں کئی دانشور، ثقافت، ادب، میڈیا اور مذہبی رہنما شرکت کریں گے۔
مسلم کونسل آف ایلڈرز کے پویلین میں فضیلت مآب امام اکبر پروفیسر ڈاکٹر احمد الطیب، شیخ الازہر الشریف، چئیرمین مسلم کونسل آف ایلڈرز کی 20 سے زائد کتابیں بھی شامل ہیں، جس میں "قول طیب” اور "میری پرانی ڈائری سے”، اور "ورثہ اور تجدید”، مزید براں ”قرآن کریم میں محبت” از قلم شہزادہ غازی الہاشمی، مسلم کونسل آف ایلڈرز کے رکن، اور کتاب "امام، پوپ، اور مشکل راستہ.. انسانی برادری کے دستاویز کی پیدائش پر گواہی” از قلم مشیر محمد عبد السلام، مسلم کونسل آف ایلڈرز کے سیکرٹری جنرل، اور کتاب "فکر و زبان میں افہام و تفہیم کے اصول”، از قلم ڈاکٹر مصطفٰی بنحمزہ مسلم کونسل آف ایلڈرز کے رکن، اور مرحوم ڈاکٹر محمود حمدی زکزوق کی کتاب "مسلمان ایک چوراہے پر” اور متعدد ترجمہ شدہ کتابیں اور مطبوعات بھی شامل ہیں۔
پویلین مختلف ثقافتی سیمینارز اور لیکچرز کی میزبانی بھی کر رہا ہے، جو مختلف مسائل پر بحث کرتے ہیں، خاص طور پر: اسلامی-اسلامی مکالمہ: ایک امّت اور مشترکہ منزل، اور "اہل قبلہ کی پکار : مقاصد اور نتائج” پر ایک مطالعہ، نفرت انگیز تقاریر، انتہا پسندی اور اسلاموفوبیا کے خلاف فکری تحفظ، مکالمے کی ثقافت کو پھیلانے اور ایک دوسرے کے احترام و قبولیت میں تعلیمی اداروں کا کردار، خواتین اور ایک ایسی نسل کی تشکیل جو بقائے باہمی اور امن کا پرچم اٹھانے کے قابل ہو، اسلامی ورثے میں مکالمہ اور بقائے باہمی: مضبوط بنیادیں اور اقدار، مکالمے کی ثقافت کو فروغ دینے میں نوجوانوں کا کردار، افہام و تفہیم اور بقائے باہمی کے کلچر کو فروغ دینے میں میڈیا کا کردار، اور مصنوعی ذہانت کے استعمال کی اخلاقیات۔
پہلی بار، ابو ظہبی کتاب میلے میں مسلم کونسل کے پویلین میں "دانشوروں کا پوڈ کاسٹ” کے ذریعے کئی اہم موضوعات اور مسائل پر بحث کی جا رہی ہے، سنجیدہ مکالموں میں جو دانشوروں، فکر کرنے والوں، میڈیا اور مذہبی رہنماؤں کے ایک گروپ کی فکری اور ثقافتی بصیرت کا تعاقب کرتے ہیں۔
مسلم کونسل کا پویلین ابو ظہبی بین الاقوامی کتاب میلے میں ابو ظہبی نیشنل ایکسپو سینٹر (اڈنیک) میں، اسٹینڈ نمبر 10C35 پر واقع ہے۔