مسلسل چوتھے سال، مسلم کونسل آف ایلڈرز نیو دہلی انٹرنیشنل بک فیئر میں شرکت کرے گی، جو 10 سے 18 جنوری 2026 تک بھارت منڈپم کانفرنس سینٹر، نئی دہلی میں منعقد ہوگا۔ یہ شرکت کونسل کے اس مشن کے تحت ہے جو امن کو فروغ دینے، مکالمے اور رواداری کی اقدار کو مضبوط کرنے اور انسانی بقائے باہمی کے لیے تعاون کے پل قائم کرنے پر مرکوز ہے۔
مسلم کونسل آف ایلڈرز کا پویلین نمائش کے دوران 270 سے زائد فکری اور ثقافتی کتب پیش کرے گا، جن میں الحکما پبلشنگ کے تازہ ترین ایڈیشنز شامل ہیں۔ ان میں 20 سے زیادہ کتابیں فضیلت مآب امام اکبر پروفیسر ڈاکٹر احمد الطیب، شیخ الازہر چیرمین مسلم کونسل آف ایلڈرز کی تصنیفات ہیں، جو اسلام کی رواداری اور اس کے فکری و فلسفیانہ ورثے کو اجاگر کرتی ہیں۔ جن میں شامل ہیں:
"قول طیب”، میری پرانی نوٹ بک سے، مشرق و مغرب کے مکالمے پر ایک رائے، قدیم منطق کے مطالعے کا تعارف، علل اور مقاصد پر گفتگو، صوفیانہ کلامی اصطلاحات پر بحث، ورثہ اور تجدید، امن کی بات، امام اشعری کے فکر پر نظریں، آداب اور اقدار، عصرِ حاضر کے لیے فقہی اجتہاد کی طرف، سیدہ عائشہ ام المؤمنین وغیرہ۔
پویلین پر دیگر اہم کتب بھی پیش کی جائیں گی، جیسے: "قرآنِ کریم میں محبت” از شہزادہ غازی الهاشمی، "امام، پوپ اور مشکل راستہ… انسانی اخوت کے دستاویز کی پیدائش پر ایک گواہی”” از قاضی محمد عبد السلام، "فہم اور تفاہم کے اصول: فکر اور زبان سے” از ڈاکٹر مصطفی بنحمزة، "مسلمان ایک نازک موڑ پر” از مرحوم ڈاکٹر محمود حمدی زقزوق، اور دیگر۔
ترجمے کی اہمیت کو مدنظر رکھتے ہوئے، کونسل 25 کتابیں ہندی، اردو اور مالائی زبانوں میں بھی پیش کر رہی ہے ، جن میں شامل ہیں: قول طيب، خواتین کے حقوق کا احترام، تفسير ابن فورك، امن کی بات، مشرق و مغرب کے درمیان مکالمہ، آزادی اور شہریت اس کے علاوہ، متعدد مترجم کتب بھی پیش کی جائیں گی، جیسے: "تبدیلی کی آواز”، "مشترکہ عالمی اقدار اور بین الاقوامی امن کی تشکیل”، "یورپ میں اسلاموفوبیا کا مقابلہ”، "اسلام اور صالح حکمرانی” از پروفیسر مقتدر خان، "اسلام، مغرب اور رواداری: بقائے باہمی کا ادراک” از آرون ٹائلر۔
اس ثقافتی تقریب کے دوران، کونسل کا پویلین مکالمے کو فروغ دینے اور سماجی ہم آہنگی پر روشنی ڈالنے کے لیے متعدد سیمینارز منعقد کرے گا، جن میں اہم موضوعات شامل ہیں: انسانیت کے لیے مصنوعی ذہانت: اخلاقیات پر مذہبی نقطہ نظر، مذاہب کے درمیان مکالمہ اور وثیقہ اخوت انسانی، تنوع میں وحدت: اہل قبلہ کی پکار کی روشنی میں اسلامی مکالمہ۔
مسلم کونسل آف ایلڈرز کی یہ شرکت ثقافتوں کے درمیان رابطے کے پل قائم کرنے اور عالمی سطح پر مشترکہ انسانی اقدار کی اہمیت کو اجاگر کرنے کے لیے ہے۔
کونسل کا پویلین H6 ہال نمبر 4 میں بھارت منڈپم کانفرنس سینٹر، پرگتی میدان، نئی دہلی میں واقع ہوگا۔