تیونس کے صدر عزت مآب قیس سعید نے تیونس کے 39 ویں بین الاقوامی کتاب میلے میں مسلم کونسل آف ایلڈرز کے پویلین کا دورہ کیا۔ پویلین کے دورے کے دوران انہوں نے کونسل کے پانچ زبانوں میں دستیاب 250 سے زائد مطبوعات کے متنوع مجموعے کا جائزہ پیش کیا گیا جو نمایاں علمی اور ثقافتی مسائل پرروشنی ڈالتی ہیں۔
صدر قیس سعید نے کچھ اہم اشاعتوں میں خصوصی دلچسپی ظاہر کی، جن میں "اہل قبلہ کی پکار: ایک امّت مشترکہ منزل”، اور "امّت کی سنی اور شیعوں میں تقسیم کے مسائل” شامل ہے۔ عزت مآب نے امّت کے اتحاد، اسلام کے اصولوں پر عمل کرنے اور تفرقہ بازی کو ترک کرنے کی اہمیت پر زور دیا۔ اور اس آیات کا حوالہ دیا {اور یہ تمہاری امّت، ایک امّت ہے اور میں تمہارا رب ہوں، پس مجھ سے ڈرو} سورہ المؤمنون 25.
عزت مآب نے کتاب "منہج، عقیدے اور شریعت سے متعلق 100 سوالات” کا مطالعہ کیا، اور اس میں علم کلام، تکفیر اور اس سے متعلقہ امور، جہاد اور اس سے متعلقہ معاملات، شرعی سیاست، اور معاصر مسائل کا ذکر کیا، اور مفاہیم کی تصحیح کی ضرورت اور اسلامی ورثے کو صحیح طور پر سمجھنے کی اہمیت پر بات کی، انہوں نے فضلیت مآب امام اکبر پروفیسر ڈاکٹر احمد الطیب شیخ الازہر کی سربراہی میں مسلم کونسل آف ایلڈرز کی جانب سے امن کے فروغ، مکالمے، رواداری اور بقائے باہمی کی اقدار کو فروغ دینے اور امت مسلمہ کے اتحاد کے لیے کوششوں کو سراہا۔
مسلم کونسل آف ایلڈرز مسلسل دوسرے سال تیونس کے بین الاقوامی کتاب میلے میں ایک خصوصی پویلین میں شرکت کر رہی ہے، جو 25 اپریل سے 4 مئی 2025 تک منعقد ہوگا، جس میں "الحکما پبلشنگ” کی 250 سے زائد متنوع علمی اور ثقافتی اشاعتیں شامل ہیں، کونسل کی شرکت اس کے پیغام پر مبنی ہیں جس کا مقصد امن کو فروغ دینا، مکالمے اور رواداری کی اقدار کو مستحکم کرنا اور تعاون اور انسانی بقائے باہمی کے پل تعمیر کرنا ہے۔