مسلم کونسل آف ایلڈرز کے سیکرٹری جنرل عزت مآب مشیر محمد عبدالسلام نے بروز ہفتہ پروفیسر ڈاکٹر سلامہ داؤد، صدر جامعہ الازہر، کا COP28 میں بین المذاہب پویلین میں استقبال کیا۔ جنہوں نے COP28 میں بین المذاہب پویلین کا دورہ کیا، جس کا اہتمام مسلم کونسل آف ایلڈرز نے پارٹیوں کی COP28 کانفرنس کی صدارت، متحدہ عرب امارات میں رواداری اور بقائے باہمی کی وزارت اور اقوام متحدہ کے ماحولیات پروگرام کے تعاون سے کیا ہے جو ایکسپو سٹی دبئی میں 1 سے 12 دسمبر تک جاری رہے گا۔
دورہ کے دوران الازہر یونیورسٹی کے صدر نے پویلین کا معائنہ کیا، جہاں انہیں بین المذاہب پویلین کے زیر اہتمام انتہائی اہم سرگرمیوں اور تقریبات کے بارے میں بریفنگ دی گئی۔ اُنہوں نے امام اکبر پروفیسر ڈاکٹر احمد الطیب، شیخ الازہر، کی سربراہی میں عالمی مسائل اور چیلنجوں پر بات چیت اور ان کا مقابلہ کرنے میں مذہبی رہنماؤں اور شخصیات کے کردار کو بڑھانے میں مسلم کونسل اف ایلڈرز کی کاوشوں کی تعریف کی۔
ڈاکٹر سلامہ داؤد نے موجودہ ماحولیاتی چیلنجوں کا مقابلہ کرنے کے لیے مختلف مذاہب اور ثقافتوں کے درمیان تعاون کی اہمیت پر زور دیا۔ اس بات پر کی تصدیق کرتے ہوئے کہ مشترکہ تعاون اور ہر ایک کی طرف سے کی جانے والی کوششیں ہی موسمیاتی تبدیلی کے اثرات کا مقابلہ کرنے میں کامیابی کی کنجی ہے، اس بات کی طرف اشارہ کرتے ہوئے کہ مذہبی تعلیمات ماحول کے تحفظ اور دیکھ بھال کو ہماری انسانی، اخلاقی اور معاشرتی ذمہ داری کا لازمی جزو قرار دیتی ہیں۔
اپنی طرف سے، مسلم کونسل اف ایلڈرز کے سیکرٹری جنرل، مشیر محمد عبدالسلام نے اس دورے کا خیرمقدم کیا۔ اس بات پر زور دیتے ہوئے کہ دنیا آب و ہوا کے مسائل اور انسانیت کو خطرے میں ڈالنے والے دیگر مسائل اور چیلنجوں کے بارے میں آگاہی بڑھانے میں بڑے مذہبی رہنماؤں اور اداروں کے کردار کی منتظر ہے، یہ بتاتے ہوئے کہ الازہر الشریف کی ایک طویل تاریخ ہے اور تمام علمی، دعوتی، اخلاقی اور انسانی ہمدردی کی سطح پر عالمی سطح پر ایک اہم کردار کی حامل ہے۔
بین المذاہب پویلین، جو کہ فریقین کی کانفرنسوں کی تاریخ میں اپنی نوعیت کا پہلا ہے، بہت سی تقریبات اور سرگرمیوں کا اہتمام کررہا ہے، جس میں 9 مذاہب اوردنیا بھر کی 54 ممالک کے نمائندے شرکت کر رہے ہیں، اس کے علاوہ 70 سے زائد تنظیمیں اور ادارے جن میں یونیورسٹیاں اور نوجوانوں کی تنظیمیں، مذہبی ادارے، ماحولیاتی کارکن گروپس، مقامی لوگوں کی تنظیمیں، بین الاقوامی سرکاری اور غیر سرکاری تنظیمیں، خواتین کے ادارے، اور انسانی امداد کی تنظیمیں شامل ہیں۔ پویلین بہت سے پروگرام اور سرگرمیاں بھی پیش کر رہا ہے، خاص طور پر 65 ڈائیلاگ اور ڈسکشن سیشنز، جن میں 325 سے زیادہ مقررین کی شرکت ہو گی، جن کا مقصد ماحولیاتی کارروائی کے حوالے سے متعدد مذاہب کے درمیان افہام و تفہیم کو بڑھانے پر توجہ مرکوز کرنا ہے۔